Arazio ci scrive dalla Merica sul matrimonio etnico

(Merica, 10 sept 08) - Mi chiamu Araziu, sugnu da tantu tempo na Merica, ora co travagghiu campo bonu, haiu du’ figghi ca funnu vattiati na Merica. ‘A prima, fimmina, si chama Etna e ‘u masculo ca nascivu dopo è chiù nicu u fici vattiari Trinacriu. Leggii no to businnis, no computer ca ci fu u matrimociu vicinu a unni stati tu, u matrimoniu Etnicu, insomma di l'Etna, e sugnu felici ca finalmenti ci pinsastuu e sugnu puri felici pi me figghia ca non è chiu' bedda di l’Argentina ma ca voli, puri idda quannu si marita, fari l'etna anzi idda rici ca ci spetta di cchiù picchi si chiama accussi. Iddu, u masculu, u maritu, non è ca è tantu beddu, anzi a mia mi pari puri assai bruttu puri si fa u giunnalista e poi non capii picchi non c’era mancu unu sicilianu-americanu comu a mia? Riccillu ca su mi invitavunu ci poteva fari u’ beddu rialu. No haiu ancora caputo picchi, vistu ca eruno tutti tucchi, pulacchi, straneri insomma, picchì stu matrimoniu è pa paci, ma fossi picchi è da tantu tempo ca non vegnu na Sicilia non vi capisciu... Na merica ora facemu ‘u novu presidenti e puri iddu è niuru di peddi; si veni elettu e quannu si marita me figghia etna ‘u nvitu o matrimoniu e ‘u fazzu sulu pa paci. A tia ne ritratti non ti ricanuscii, fossi eri chiddu co tubbanti? Fammi viriri no to situ cosi boni e mi raccumannu salutimi l'Etna a muntagna e lassa stari a me figghia ca mi rici è ancora signurina. Fozza Etna. Fimmatu Araziu