Arazio: il ratto di Ianna da parte degli Ufi

Mi rissuno ca ddogu, vicinu a unni stati tu, ca ci sunnu cosi ca acchianunu, scinnunu, scinnunu e acchianunu, n'zomma l'Ufi. Iu ti ricu ca sti cosi sunnu cosi assai periculusi, soprattutto pe’ fimmini.Me 'za Ianna quannu era signurina spariu da casa e so patri, ‘u zu Cammelu pi cincu, sei, setti ionna precisi, chiù o menu, a ciccàva e non ‘a truvava, e tutti eruni dispirati. Tutti i parenti addumannaunu,"unni minchia finivu Ianna? "Quannu idda, a 'za Ianna tunnavu ci rissi ca l’Ufi l’avunu secuestratu, precisi, precisi propiu a idda, nella sua persona e ca non ni voleva sapiri nenti picchì idda non ci traseva.Dopu cicca, tri quattro, cincu misi Ianna patturìvu e fici na bedda figghia fimmina, tutti i voti ca a picciridda chianceva ‘u zu Cammelu ci riceva, ittannu vuci, “statti muta tu, Uffa”. Poi s'affezionavu a picciridda, anchi picchi so cumpari Ettori, ca canuscena l’Ufi picchi era 'ngigneri, ci spiegavu ca Ianna non ci traseva nenti na stu discussu e ca picciridda era troppu bedda, era precisa precisa o pannitteri di sutta chiddu, chi baffi. Sta vota anchi su è tantu tempo ca non vegnu ddocu e sempre pi mettiri a paci, ti dicu ca puri ccà, nta Merica ci sunnu tanti ufi e tanti picciotti ca assimigghiano e pannitteri. Fimmato Araziu. (Merica, 12 september 2008)